पछिल्लो समय निकै चर्चा परिचार्मा बटुल्न सफल नायक तथा नायिका सौगात मल्ल र दीया पुन अभिनित चलचित्र ‘मन्त्र’को टिजर सार्वजनिक भएको छ । केही दिन पहिले चलचित्रको फस्ट लुक्स सार्वजनिक गरेको थियो ।
सौगात र दियाले पहिलोपटक स्क्रिन शेयर गरेको चलचित्र मनास्लु आसपासमा छायाकन गरिएको छ । खिल बहादुर गुरुङले निर्देशन गरेको चलचित्रको सुरुवाती नाम ’बमकाजी’ राखिएको थियो। तर हाल कथा सुहाउदो नाम मन्त्र भन्दै परिवर्तन गरिएको छ ।
चलचित्रको मुख्य भूमिकामा सौगात र दीयासंगै हास्यं कलाकार बुद्धि तमाङ, निमता घिसिङ, वीरबहादुर लामाले पनि शिर्ष भूमिकामा रहेर अभिनय गर्ने छन् ।
गोरखाको मनास्लु क्षेत्र आसपासमा छायांकन गरिएको छ भने उक्त चलचित्रको टिजरमा हिमाली भेगको प्रेम कथा देखाउन खोजिएको छ । चलचित्रमा रविराज कार्की, सुरेश कार्की, वीरबहादुर लामा र सुभ श्रेष्ठ सह-निर्माताको रुपमा रहेका छन् ।
साम्तेन भुटियाको लेखन रहेको चलचित्रमा शम्भुजित बास्कोटा र सन्तोष सुनारको संगीत र संजय लामाको छायांकन, मित्र डि गुरुङको सम्पादन गरेका छन् उक्त चलचित्र खिलबहादुर गुरुङले निर्देशन गरेका छन् । नयाँ बर्ष २०७७ को अवसर पारेर चलचित्र प्रदर्शनमा ल्याईने निर्माण युनिटले जनाएको छ ।
