काठमाडौं । आज शुक्रबार नेपाली चलचित्र हलमा दुई चलचित्र प्रदर्शन भएका छन् । लामो समयसम्मको सुनसान रहेकाे नेपाली चलचित्रकाे मौनतालाई तोड्दै केही आश गरिएका चलचित्र सेल्फी किङ्ग र साङ्लो प्रदर्शनमा छन् ।
निर्देशक तथा लेखक विशाल सापकोटाको चलचित्र सेल्फी किङ्गमा विपिन कार्कीको अभिनय रहेको छ । प्रस्तुत चलचित्रमा विपिन कार्कीको साथमा भुवन चन्द, अभय बराल, सविन बास्तोला, लक्ष्मी बर्देवा, जीवन भट्टराई रहेका छन् । विपिन कार्कीको
अभिनय रहेको सेल्फी किङ्गले दर्शकहरुलाई छुट्टै आनन्द दिने अनुमान गर्न सकिन्छ ।
कुनै समयमा नेपाली सिनेमाका एक्सन स्टार बिराज भट्ट लामो समयपछि पुन नेपाली चलचित्रमा फर्केका छन् । भोजपुरी चलचित्रमा पनि आफ्नो छाप पार्न सफल बिराज भट्ट अभिनित चलचित्र साङ्लोले पनि राम्रो व्यापार गर्ने बुझिएको छ । प्रस्तुत चलचित्रमा बिराज भट्ट आफैको निर्देशन रहेको छ । बिराट भट्टलाई पूर्व मिस नेपाल निकिता चण्डकले साथ दिएकी छिन् ।
दुईमध्ये कुन चलचित्रले बाजी मार्ने हो त्यो भने हेर्न बाँकी नै छ ।
