पाटन संयुक्त क्याम्पसमा आज नि:शुल्क माक्स वितरण गरिएको छ । पाटन युथ फोरमको आयोजनामा विश्व भरिनै फैलिदैं गइरहेको कोरोना भाईरसका बारेमा विभिन्न जनचेतनामुलक कार्यक्रम सहित मास्क वितरण गरिएको हो ।
क्याम्पस भित्र संचालन भएको कार्यक्रमको नारा ‘आफू बचौं र अरुलाई पनि बचाउ’ रहेको थियो । कार्यक्रममा जनचेतनामुलक सामाग्रीहरु पनि प्रस्तुत गरिएको थियो । आयोजकले कोरोना सम्बन्धि भ्रामक सूचनामा विश्वास नगर्न र नआत्तिन सबैलाई आग्रह गरेको छ ।
कोरोनाबाट बच्न सावधानी अप्नाउनुपर्ने औल्याउँदै आधिकारिक सूचनामा मात्र विश्वास गर्न विद्यार्थीलाई सुचित गराइएको थियो । यसबाट बच्न विभिन्न उपायहरु अपनाउन सकिने र रोकथाम गर्न सकिने भएकालेे राज्यले भनेको बाटोमा हिड्न आग्रह आग्रह गर्दै विद्यार्थीहरुलाई नि:शुल्क रुपमा मास्क वितरण गरिएको थियो ।
