काठमाडौं । गायक प्रकाश कटुवाललाई प्रहरीले पक्राउ गरेको छ । सोमबार परिवारसँग घुम्न गएका गायक कटुवाल तनहुँबाट पक्राउ परेका हुन् ।
तनहुँको डुम्रे बजारमा होटेल सन्चालन गर्दै आइरहेका लालकाजी गुरुङलाई आक्रमण गरेको आरोपमा कटुवाललाई प्रहरीले पक्राउ गरेको हो । गुरुङले कटुवालविरुद्ध ज्यान मार्ने धम्कीमा मुद्या दर्ता गरेका थिए ।
कटुवाल परिवारसहित पोखराको यात्रामा निस्किएका थिए । डुम्रे आइपुगेपछि गुरुङको होटेल अगाडि गाडी रोकियो । गाडीबाट बाहिर निस्केपछि कटुवालकी पत्नीले बान्ता गरेपछि कटुवाल र गुरुङबीचमा विवाद सुरु भयो । विवादपछि कटुवालले गुरुङलाई धम्की दिंदै पोखरातिर लागे । त्यसै दिन साँझ एउटा युवाहरुको समूहले गुरुङमाथि आक्रमण गरेका थिए । अहिले गुरुङको उपचार काठमाडौंमा भइरहेको छ ।
प्रतिक्रिया दिनुहोस्