एजेन्सी । अपराजित रहेको मर्सिसाइड क्लब लिभरपुलले इंग्लिस प्रिमियर लिगमा २५ अंकको फराकिलो अग्रता बनाएको छ । शनिबार राति भएको खेलमा नर्विच सिटीलाई १–० ले हराउँदै लिभरपुलले २५ अंकको फराकिलो अग्रतासहित उपाधि यात्रालाई थप बलियो बनाएको छ ।
लिग लिडर लिभरपुलका लागि खेलको ७८ औं मिनेटमा कप्तान जोर्डनको पासमा मानेले गरेको निर्णायक गोल नै जितको लागि पर्याप्त बन्यो ।
लगातार १७ औं जित हात पारेको लिभरपुलको यस सिजनको यो २५ औं जित हो । यस सिजन एकमात्र बराबरी खेलेको लिभरपुलले २६ खेलबाट ७६ अंक जोडेको छ । लिभरपुललाई अब उपाधि पक्का गर्न बाँकी रहेको १३ मध्ये ५ खेल जिते पनि पुग्छ ।
प्रतिक्रिया दिनुहोस्