एजेन्सी । पोर्चुगिज क्लब स्पोर्टिङ सीपीका मिड फिल्डर ब्रुनो फर्नान्डेज म्यानचेस्टर युनाइटेडमा अनुबन्ध भएका छन् ।
उनी ५५ मिलियन यूरोमा अनुबन्ध भएका हुन् । पछि उनको प्रदर्शन राम्रो भए २५ मिलियन यूरो थप्ने पनि जनाइएको छ ।
फर्नान्डेजको मेडिकल बिहिबार हुने र त्यसपछि औपचारिक रुपमा सम्झौता गरिने बताइएको छ ।
पोर्चुगलबाट युनाइटेडमा अनुबन्ध हुने उनी तेस्रो खेलाडी हुन् । यसभन्दा अगि सन् २००७ मा नानी र सन् २००३ मा क्रिस्टियानो रोनाल्डो युनाइटेडमा आएका थिए ।
सन् २०१७ मा स्पोर्टिङ सीपीबाट खेल्न थालेका फर्नान्डेजले सीपीका लागि ८३ खेलमा ३९ गोल र २८ असिस्ट गरेका छन् ।
प्रतिक्रिया दिनुहोस्