२३ मंसिर, काठमाडौं । नेपाली महिला राष्ट्रिय फुटबल टोलीले १३ औं दक्षिण एसियाली खेलकुद (साग) अन्तर्गत महिला फुटबलको फाइनलमा भारतविरुद्ध प्रतिस्पर्धा गर्दैछ । पोखरा रंगशालामा खेल दिउँसो २ बजे सुरु हुनेछ ।
नेपालले अघिल्लो वर्ष भारतमै भएको हिरो गोल्डकपमा भारतलाई हराउँदै फाइनलमा पुगेको थियो । त्यसयता नेपाल र भारतबीच नेपालमै पनि खेल भयो, तर दुर्भाग्यवश नेपाल फाइनलमा पराजित हुन पुग्यो ।
नेपाली टोलीलाई पुन: एकपटक इतिहास रच्ने अवसर रहेको छ । भारतलाई हराउन सके नेपालले महिला फुटबलमा पहिलो अन्तर्राष्ट्रिय उपाधि भित्र्याउने छ ।
प्रतिक्रिया दिनुहोस्