१८ मंसिर, काठमाडौं । सशस्त्र प्रहरीले प्रहरी निरिक्षक र प्रहरी सहायक निरिक्षक पदमा नयाँ भर्नाका लागि पदपूर्ति सूचना प्रकाशित गरेको छ। मंगलबार सूचना प्रकाशित गरी २ सय ९७ जनशक्ति पदपूर्तिका लागि दरखास्त आह्वान गरेको हो। प्रहरी निरिक्षक तर्फ ५८ जना र सहायक निरिक्षकतर्फ २सय ३९ जनाको लागि नयाँ भर्ना माग गरेको हो।
सशस्त्र प्रहरीले इच्छुक योग्य उम्मेदवारलाई आजदेखि पुस १७ सम्म आवेदन गर्ने समय दिएको छ । आवेदन प्रधान कार्यालय स्यम्भूसँगै सुनसरीको पकली, बर्दिबास, मकवानपुर, पोखरा, चन्द्रौटा, सुर्खेत, अत्तरियाबाट दिन सकिने सशस्त्र प्रहरीले जनाएको छ ।
परीक्षा फाराम मंसीर १८ गतेदेखि पुष १७ गतेसम्म भर्न सकिनेछ। १८ वर्ष पूरा भई २५ वर्ष नकटेका व्यक्तिले खुलातर्फ आवेदन दिन सक्नेछन्।
प्रतिक्रिया दिनुहोस्