१३ कात्तिक, काठमाडौं । म्यानचेस्टर सिटीले काराबाओ कपमा साउथह्याम्पटनलाई पराजित गरेको छ । गएराती भएको खेलमा सिटीले साउथह्याम्पटनलाई ३–१ ले पराजित गरेको हो ।
सिटीको जितमा सर्जिेयो अग्युरोले २ गोल गरे । निकोलसले १ गोल गर्दा साउथह्याम्पटनका ज्याक स्टेफेन्सले पनि एक गोल फर्काएका थिए ।
यस्तै, लेष्टर सिटीले बुर्टोन अल्बियनलाई र एभर्टनले वाटफोर्डलाई पराजित गर्दै क्वाटरफाइनलमा स्थान सुरक्षित गरेको छ । लेष्टरले बुर्टोनलाई ३-१ गोलअन्तरले पराजित गरेको हो । लेष्टरको जितमा केलेची हेयनाचो, यउरी टिलेमान्स र जेम्स मोडिसनले गोल गरे । यता, बुर्टोनका लागि लियाम ब्वाइसले गोल गरेका थिए ।
अर्को खेलमा वाटफोर्डलाई २-० गोलअन्तरले पराजित गर्दै एभर्टन क्वाटरफाइनल पुगेको हो । एभर्टनका लागि मासन हल्गेट र रिचर्लिसनले गोल गरेका थिए ।
