८ असोज, जनकपुरधाम । राजपा नेपाल अध्यक्ष मण्डलका सदस्य राजेन्द्र महतोले संविधान संशोधन नभएसम्म विरोध भइरहने बताएका छन् ।
आज जनकपुरमा भएको पत्रकार सम्मेलन कार्यक्रममा सहभागिता जनाउँदै सदस्य महतोले सो कुरा बताएका हुन् । सदस्य महतोले संविधान रक्षाका लागि पनि संशोधन आवश्यक भएको बताउँदै भने, ‘मधेसी जनताको छातीमा गोली चलिरहेको बेला संविधान जारी भयो । दुई तिहाइको बलमा संविधान त जारी भयो, तर अहिले पनि दुईतिहाइ जनता संविधानको विरोधमा छन् ।’
सदस्य महतोले एक भिन्नै प्रसंगमा समाजवादी पार्टीले सरकार छाडेपछि समानताको आधारमा पार्टी एकता हुने बताउँदै जनताको माग र वैकल्पिक शक्ति निर्माणका लागि पार्टी एकता हुनुपर्ने धारणा व्यक्त गरे ।
सत्तामा बसेर वैकल्पिक शक्ति निर्माण नहुने तर्क दिँदै उनले भने, ‘पार्टी एकताका लागि अनौपचारिक रूपमा छलफल भइरहेको छ, तर एकता गर्न समाजवादी पार्टीले सरकार छाड्नुपर्ने हाम्रो सर्त हो ।’
