२३ भदौ, काठमाडौं । यहि भाद्र २५ र २६ गते ‘तेस्रो नेपाल पूर्वाधार शिखर सम्मेलन’ काठमाडौंमा आयोजना हुने भएको छ ।
नेपाल उद्योग परिसंघकाे जानकारी अनुसार, सम्मेलनको प्रधानमन्त्री केपी शर्मा ओलीले उद्घाटन गर्ने छन् ।
सम्मेलनमा दक्षिण कोरियाका पूर्वप्रधानमन्त्री डा. हान स्योङ सू किनोट वक्ताको रुपमा सहभागी हुने परिसंघले जनाएकाे छ । सम्मेलनमा विशिष्ट वक्ताको रुपमा भारतका युनियन स्टेट मिनिष्टर आरके सिंहले पनि सम्बोधन गर्ने परिसंघका अध्यक्ष सतिसकुमार मोरले बताए ।
सम्मेलनमा सबै प्रदेशका मुख्यमन्त्रीहरु, योजना आयोगका पदाधिकारी पनि सहभागी हुनेछन् । प्रदेश सरकारका मुख्य सचिवहरुलाई पनि सम्मेलनमा सहभागी हुन निमन्त्रणा गरिएको अध्यक्ष मोरले जानकारी दिए ।
नेपालको पूर्वाधार विकासमा आवश्यक बाहृय लगानी जुटाउने मूल उद्देश्यका साथ परिसंघले नेपाल सरकारसँगको सहकार्यमा तेस्रो पटक यस्तो सम्मेलन आयोजना गर्न लागेको हो ।
