१९ भदौ, काठमाडौं ।चिनियाँ ह्याकरले एटीएम मेसिनबाट रकम लुटेपछि, राष्ट्र बैङ्कले एटीएमबाट रकम झिक्न कडाइ गर्दै अबदेखि एटीएमबाट एक दिनमा ६० हजार र एकपटकमा २० हजार मात्र झिक्न मिल्ने व्यवस्था गरेको छ ।
यसअघि एक दिनमा एक लाख रुपैयाँसम्म झिक्न पाउने व्यवस्थालाई खारेज गरी दिनमा ६० हजार रुपैयाँसम्म मात्रै झिक्न पाउने र एक पटकमा २५ हजार रुपैयाँसम्म झिक्न पाइनेमा अब २० हजार रुपैयाँ सम्म मात्रै झिक्न पाउने व्यवस्था गरिएको राष्ट्र बैङ्कका भुक्तानी प्रणाली विभागका कार्यकारी निर्देशक बमबहादुर मिश्रले बताए ।
राष्ट्र बैङ्कले बिहीबार नै बैङ्क तथा वित्तीय संस्थाहरूमा व्यवस्था कार्यान्वयनका लागि परिपत्र गरिसकेको पनि उनले बताए ।
प्रतिक्रिया दिनुहोस्