७ भदौं, काठमाडौँ । राजस्व वृद्धिदर उच्च देखाउन अर्थ मन्त्रालयले २०७४/७५को राजस्वको आधार नै घटाएको छ । अर्थ मन्त्रालयले सार्वजनिक गरेको तथ्यांकमा २०७४/७५ मा ७ खर्ब १ अर्ब ९ करोड रुपैयाँ राजस्व संकलन भएको देखाइएको छ ।
राजस्व संकलनको आधार नै घटाइएकाले २०७५/७६ संकलन भएको ८ खर्ब ५९ अर्ब ५९ करोड रुपैयाँको राजस्व त्यसभन्दा अघिल्लो वर्षको तुलनामा २२.६१ प्रतिशतको वृद्धिदर हुन आउँछ ।
यथार्थ वृद्धिदर कति ?
आव २०७४/७५ समाप्त भएसँगै ७ खर्ब ३२ अर्ब २३ कारेड रुपैयाँ राजस्व संकलन भएको अर्थमन्त्रालयले सार्वजनिक गरेको थियो । अहिले वार्षिक तथ्यांकको तुलना गर्दा २०७४÷७५ को राजस्वको वृद्धिदर उच्च देखाउन खोजिएको छ । २०७४/७५ को राजस्व लक्ष्यको प्राविधिक रुपमले पुगेको महालेखा नियन्त्रक कार्यालयले देखाएको छ । यो समाचार आजको अन्नपूर्ण दैनिकमा पुष्पराज आचार्यले लेखेका छन् ।
