२ भदौ, काठमाडौं । फ्रेन्च लिग वानमा साविकको विजेता पेरिस सेन्ट जर्मेनले अप्रत्यासित हार भोगेको छ । आइतबार राति भएको खेलमा रेनिससँग पीएसजी २–१ ले पराजित भएको हो ।
सुरुवाती अग्रता जोगाउन नसक्दा पीएसजीले लिग वानको दोस्रो चरणमा हार बेहोरेको हो । पीएसजीलाई पराजित गर्ने क्रममा एम बाय नियाङ र रोमेन डेल क्यास्टिलोले गोल गरे । पीएसजीका एडिन्सन काभानीले गोल फर्काए ।
खेलको ३६ औं मिनेटमा एडिन्सन काभानीको गोलबाट पिएसजीले अग्रता लिएको थियो। रेनेशले खेलको ४४ औँ मिनेटमा एम बाय नियाङको गोलमा बराबरी गर्यो । त्यसपश्चात रेनेसले खेलको ४८ औं मिनेटमा रोमेन डेल कास्टिलोको गोलमार्फत २-१ को अग्रता बनायो ।
त्यसपछि थप गोल गर्न नसक्दा पीएसजीले अप्रत्यासित हार बेहोर्न पुग्यो ।
प्रतिक्रिया दिनुहोस्