चितवनको नारायणगढस्थित बसपार्कमा रहेको कंगारु होटेलमा माउण्टेन टिभी काठमाडौँमा कार्यरत पत्रकार शालिकराम पुडासैनी मृत अवस्थामा फेला परेका छन्
चितवन प्रहरीका अनुसार, उनी सोमबार दिउँसो ३:३० बजे २०२ नम्बर कोठा बुक गरेर बसेका थिए । राति खाना खान बोलाउन होटेलका कर्मचारी जाँदा कोठाको चुकुल लामो समयसम्म नखोलेपछि राति नै प्रहरीलाई खबर गरेका थिए । प्रहरीको रोहबरमा ढोका खोल्दा पत्रकार पुडासैनी झुण्डिएको अवस्थामा फेला परेका हुन ।
भर्खरै मात्र पुडासैनी माउण्टेन टिभीमा मिसन न्यूज कार्यक्रम चलाउँदै आएका थिए । यस अघि उन्ले न्यूज २४ को सिधा कुरा जनतासँग कार्यक्रममा समेत काम गरेका थिए ।
पुडासैनी नुवाकोटको बेलकोटगढी नगरपालिका वडा नं २ कुमरी वासी हुन ।
उनका आफन्त आएपछि मात्र घटनाबारे थप अनुसन्धान हुने चितवन प्रहरीले जनाएको छ ।
