६ साउन, काठमाडौं । आइसिसी टी–२० विश्वकप एसिया छनोट प्रतियोगितामा मलेसियाले कुवेतलाई ४२ रनले हराएको छ। सिंगापुरमा आज भएको खेलमा मलेसियाले दिएको १६३ रनको विजयी लक्ष्य पछ्याएको कुवेत १८ ओभरमा १२० रनमै सिमित रह्यो ।
कुवेतका लागि कप्तान मोहमद कासिफले ५१ रन बनाउने क्रममा ४६ बलको सामना गर्दै ३ चौका र २ छक्का प्रहार गरे। अन्य ब्याट्सम्यान सस्तैमा आउट हुँदा कासिफको अर्धशतक खेर गयो ।
बलिङतर्फ मुहमद सहादतले ३ विकेट हात पारे । सयद अजिज, पवनदिप सिंह र फित्री सामले समान २–२ विकेट लिए ।
टस जितेर पहिले ब्याटिङ थालेको मलेसिया २० ओभरमा १६२ रन बनाउँदै अलआउट भयो। मलेसियाका लागि शाफिक सारिफले सर्बाधिक ३८ रन बनाए । त्यस्तै ,सयद अजिजले ३४ रन र अमिनुद्दिन रामलीले ३३ रन जोड्नु बाहेक अन्य ब्याट्सम्यान दोहोरो रन जोड्न सकेन ।
बलिङतर्फ कुवेतका मोहमद असनले २ विकेट हात पारे ।
