५ साउन, काठमाडौँ । बार्सिलोनामा लिओनल मेस्सीसँगै खेल्न आफू आतुर रहेको एन्टोनी ग्रिजम्यानले बताएका छन् ।
हालै मात्र एथ्लेटिको मड्रिड छाडेर बार्सिलोनामा गएका गि्रजम्यान जापान टुरमा छन्, तर अर्जेन्टिनी स्टार मेस्सी कोपा अमेरिकापछि बिदामा छन् ।
स्पेनिस पत्रिका मार्कासँगको अन्तर्वार्तामा ग्रिजम्यानले भने, ‘हो (मेस्सीसँगै खेल्नु) आश्चर्यजनक हुनेछ । म यो जान्न उत्साहित छु कि उनी दिनदिनै के रुचाउँछन्, ट्रेनिङमा के मन पराउँछन् ।’
गत मेमा नै सिजनको अन्त्यमा एथ्लेटिको मड्रिड छाड्ने घोषणा ग्रिजम्यानले गरेका थिए l तर गत साता १२० मिलियन युरो रिलिज क्लज तिर्न बार्सालोना तयार भए पश्चात् ग्रिजम्यान नाउ क्याम्प आए । बार्सिलोना अनुवन्धित हुनासाथ स्वयं खुसीले रोएको सुनाउँदै एथ्लेटिको मड्रिडप्रति आफ्नो सम्मान रहेको ग्रिजम्यानले बताएका छन् ।
