४ साउन, काठमाडौं । लिभरपुललाई बोरुसिया डर्टमन्डले ३–२ को अन्तरमा पराजित गरेको छ । लिभरपुलको प्रि सिजनमा यो पहिलो हार हो । प्रि सिजनमा डर्टमन्डले भने लगातार तेस्रो जित निकालेको हो ।
डर्टमन्डका लागि पाको अल्कासेर, थोमस डिलेनी र जाकव ब्रन लार्सेनले गोल गरे । लिभरपुलका ह्यारी विल्सन र रिहान ब्रिस्टरले गोल गरे । खेलको तेस्रो मिनेटमा नै पाको अल्कासेरको गोलबाट डर्टमन्डले अग्रता लियो । ३५औं मिनेटमा ह्यारी विल्सनले गोल गरेपछि पहिलो हाफ १–१ गोलको बराबरीमा रोकिएको थियो ।
थोमसले ५३औं मिनेटमा गोल गर्दै डर्टमन्डलाई पुनः २–१ को अग्रता दिलाए । जाकवले ५८औं मिनेटमा गोल गर्दै डर्टमन्डलाई जिततर्फ लगेका थिए । रिहानले ७५औं मिानेटमा पेनाल्टीमार्फत गोल गर्दै लिभरपुललाई खेलमाा फर्काउन संकेत देखाए । तर, त्यसपछि थप गोल हुन नसक्दा डर्टमन्ड ३–२ ले विजयी हुदा लिभरपुल पराजित हुन बाध्य भयो ।
