२ साउन, काठमाडौं । युरोपियन क्लबहरुको मैत्रीपुर्ण खेलमा जर्मन क्लब बोरुसिया डर्टमन्डले सहज जित हात पारेको छ । अमेरिकाको वासिङटनमा बिहीबार बिहान भएको खेलमा डर्टमन्डले घरेलु टोली सियाटल साउन्डर्सलाई ३–१ पराजित गरेको हो ।
डर्टमन्डको जितमा मारिअस वल्फ, पाको अल्कासेर र जाडोन सान्चोले गोल गरे । घरेलु टोलीका जोनाथन क्याम्पवेलले एक गोल फर्काए ।
मारिअसको गोलबाट डर्टमन्डले ३६औं मिनेटमा १–० को अग्रता कायम गर्यो ।५०औं मिनेटमा पाकोको गोलमार्फत डर्टमन्ड २–० ले अघि बढ्यो ।
घरेलु टोलीलाई खेलमा फर्काउने ५४औं मिनेटमा जोनाथनले गोल गर्दै संकेत देखाएका थिए । तर, ७७औं मिनेटमा जाडोन सान्चोले गोल गरेसंगै घरेलु टोली डर्टमन्डसँग ३–१ ले हार बेहोर्नु पर्यो ।
प्रतिक्रिया दिनुहोस्