२ साउन, काठमाडौं । नाइजेरिया अफ्रिका कप अफ नेसन प्रतियोगितामा तेस्रो भएको छ । ट्युनिसियालाई १–० ले पराजित गर्दै नाइजेरिया आठौं पटक तेस्रो भएको हो । तेस्रो स्थानको कुनै पनि खेलमा अहिलेसम्म नाइजेरियाले पराजय भोगेको छैन ।
इजिप्टको अल सलाम रंगशालामा नाइजेरियालाई जित दिलाउने क्रममा खेलको तेस्रो मिनेटमा नै घालोले गोल गर्दै अग्रता दिलाएका थिए । तर, खेल अवधिभर नाइजेरिया दबावमा खेलेको थियो । रक्षात्मक खेल खेलेको नाइजेरियाले पहिलो हाफमा लिएको अग्रतालाई दोस्रो हाफमा पनि निरन्तरता दिदै जित निकालेको हो ।
यही २० तारिखमा उपाधिका लागि सेनेगल र अल्जेरिया प्रतिस्पर्धा गर्दै छन् ।
प्रतिक्रिया दिनुहोस्