१८ असार, काठमाडौं । ब्राजिली युवा फरवार्ड ग्याब्रियल मार्टिनेलीलाई इंग्लिस क्लब आर्सनलले क्लबमा अनुबन्ध गरेको छ । आर्सनलले १८ वर्षीय ब्राजिली युवा फरवार्डलाई ६ मिलियन पाउन्डमा लामो समयका लागि क्लबमा अनुबन्ध गरेको हो ।
मार्टिनेलीले लन्डनमा गएर खेल्ने सपना रहेको र त्यो आर्सनलबाट पुरा हुने पक्का भएको बताएका छन् ।
‘यो मेरो सपना थियो । जब म बच्चा थिए, मेरो परिवारको सपना मैले युरोपबाट खेलोस भन्ने थियो । अझ आर्सनल जस्तो ठुलो क्लबबाट । म यो अवसर लिन गईरहेको छु ।’ ‘क्रिस्टियानो रोनाल्डोलाई फ्यान समेत रहेका मार्टिनेलीले भने, ‘यो निकै आश्चार्यजनक अनुभुति हो । सपना विपनामा परिणत भएको छ । राम्रा खेलाडीका सामु आफुलाई सक्षम बनाउनुपर्नेछ । यो मेरो लागि महान अवसर हो । म जति सक्छु, मजा लिनेछु ।’
मार्टिनेलीले २०१७ मा व्यवसायिक फुटबलमा डेब्यु गरेका ३४ खेलबाट १० गोल गरिसकेका छन् ।
