१६ असार, संखुवासभा ।
संखुवासभाको सिलिचोङ गाउँपालिका १ सिसुवाखोलामा पर्ने होङ्ला भन्ने स्थानमा बिहान प्रहरी र नेत्र विक्रम चन्द समूहबीच गोली हानाहान भए पछि हेलिकप्टरबाट गस्ति सुरु गरिएको छ ।
सिलिचोङको आकाशमा अहिले सेनाको ३ वटा हेलिकप्टरले हवाई गस्ति गरिरहेको जिल्ला प्रहरी कार्यालय संखुवासभाका डीएसपी मिमबहादुर लामाले बताए ।
उनका अनुसार बिहान ९ बजेतिर गस्तिमा गएको सशस्त्र र नेपाल प्रहरीमाथि चन्द समूहका कार्यकर्ताले आक्रमण गरेका थिए ।
प्रहरीले जवाफी फायरिङ गरेपछि दुबै समूहबीच गोली हानाहान भएपनि मानवीय क्षति भने नभएको प्रहरीले जनाएको छ । प्रहरीको नियमित गस्ति होङ्लामा पुगेको थियो । गस्ति टोलीलाई देखेपछि चन्द समूहका कार्यकर्ताले एक्कासी फायर गरेका थिए । ( रासस )
प्रतिक्रिया दिनुहोस्