६ असार, महोत्तरी । महोत्तरी जिल्लाको गौशाला नगरपालिका–१० भरतपुरमा अज्ञात हतियारधारी समूहले एक युवतीको हत्या गरेका छन् ।
मृत्यु हुनेमा अञ्जुकुमारी श्रेष्ठ रहेकी छिन् । श्रेष्ठको घरमा अज्ञात हतियारधारी समूहले चोरी गर्न लागेको अवस्थामा उनले टोल छिमेकलाई होहल्ला गरी गुहार माग्न थालेपछि चोरहरुले उनको हत्या गरेको हो ।
चोरहरुले युवती श्रेष्ठको शरीरभरि धारिलो छुरा प्रहार गरी गम्भीर घाइते बनाई भागेपछि उनलाई प्राथमिक स्वास्थ्य केन्द्र गौशालामा लगिएको थियो । तर त्यहाँ उपचार सम्भव नभएपछि अञ्चल अस्पताल जनकपुर लैजाँदै गर्दा बाटोमै मृत्यु भएको प्रहरी कार्यालय महोत्तरीले जनाएको छ ।
प्रहरीले घटना घटेलगत्तै सो क्षेत्रमा चोर तथा हत्याराहरुको खोजतलास गरिरहेको छ ।
प्रतिक्रिया दिनुहोस्