१ असार, वीरगञ्ज । वीरगञ्जमा एक भारतीय नागरिकको शव भेटिएको छ ।
मृत्यु हुनेमा भारतको बिहार छाप्रा जिल्ला सिमान–१ मा बस्ने महन्थ यादव रहेको छ ।
वीरगञ्ज महानगरपालिका–१७, आईसीपी गेटभित्र पार्किङ गरी राखेको डब्लु बी ११ बी ५४१० नम्बरको ट्रकको छेउमा सोही ट्रकका चालक यादवको शव भेटिएको र गर्मीका कारण गाडीमाथि सुतेका निन्द्रामा खसेर मृत्यु हुनसक्ने अनुमान गरिएको जिल्ला प्रहरी कार्यालय पर्साले जनाएको छ ।
उनको शव पोष्टमार्टमका लागि नारायणी अस्पतालमा पठाइएको छ भने घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्