३१ जेठ, काठमाडौं – एसओएस हेरमन ग्मिनर सेतिओपी च्याम्पियन कप फुटबल प्रतियोगिता शुक्रबारबाट सुरु हुने भएको छ ।
आयोजक सेतिओपी युवा क्लब र एसओएस बालग्राम सानोठिमीले प्रेस विज्ञप्ति निकाल्दै प्रतियोगिता जेठ ३१ देखि असार ८ गतेसम्म संचालन हुने जनाएको हो ।
एसओएस बालग्राम सानोठिमीमा आयोजना हुने प्रतियोगितामा उपत्यकाका २६ विद्यालयहरुको सहभागिता रहने आयोजकले जनाएको छ ।
सहभागी टोलीलाई ४ समूहमा विभाजन गरिएको छ । र, लिग चरणको खेलपछि हरेक समूहको एक एक टिम सेमिफाइनलमा पुग्ने छन् ।
प्रतियोगिताको उद्घाटन खेलमा एसओएस सानोठिमी र ऐम्स एकेडमीबीच खेल हुनेछ । प्रतियोगिताको विजेताले नगद ३० हजार र उपविजेताले २० हजार पाउने छन् ।
प्रतिक्रिया दिनुहोस्