२६ जेठ, पर्सा । प्रहरीले पर्सा जगरनाथपुर गाउँपालिका–३, जानकीटोलामा डिजेलसहित १ जनालाई पक्राउ गरेको छ ।
पक्राउ पर्नेमा जगरनाथपुर गाउँपालिका–२, पचरौता टोल बस्ने १८ वर्षीय रफी आलम रहेका छन् । प्रहरीले उनलाई बीआर २२ जे ६१२७ भारतीय नम्बरको मोटरसाइकलमा १ सय २० लिटर डिजेल लोड गरी अवैध रुपमा भारततर्फ लैजाने क्रममा नियन्त्रणमा लिएको जिल्ला प्रहरी कार्यालय पर्साले जनाएको छ ।
उक्त बरामद गरिएको डिजेल सहित आलमलाई आवश्यक कारबाहीका लागि जिल्ला प्रहरी कार्यालय पर्सामा राखिएको छ ।
प्रतिक्रिया दिनुहोस्