संखुवासभामा तासको खालबाट ७० हजार नगदसहित ९ पक्राउ

२४ जेठ, संखुवासभा l नेपाल प्रहरीले संखुवासभाको सदरमुकाम खाँदबारी बजारबाट तास खेल्दै गरेको एक समूहलाई पक्राउ गरेको छ । पक्राउ पर्नेमा घर धनी पोषराज पोख्रेलसहित ९ जना रहेका छन् l

अन्य व्यक्तिहरूको नाम भने खोल्न नचाहेको प्रहरी निरीक्षक पण्डितले बताएको छ l प्रहरीले उनीहरूलाई तास खेलिरहेको अवस्थामा पक्राउ गरेको हो l

पक्राउ परेका व्यक्तिहरूको साथबाट नगद ७० हजार सात सय ४० रुपैयाँसमेत बरामद गरेको र हिरासतमा राखेर अनुसन्धान भइरहेको प्रहरीले जनाएको छ ।

सल्लेरी खबर