१५ जेठ, ललितपुर – न्याय परिषद्को बैठकले जिल्ला न्यायाधीश विश्वमङ्गल आत्रेयलाई पदमुक्त गर्न प्रधानन्यायाधीशसमक्ष सिफारिस गर्ने निर्णय गरेको छ ।
परिषद्को आज बसेको बैठकले न्यायाधीश आत्रेयलाई कार्यक्षमताको अभावमा पदमुक्तका लागि सिफारिस गर्ने निर्णय गरेको परिषद्का सूचना अधिकारी टेकनाथ गौतमले जानकारी दिए । उनि ललितपुर जिल्ला अदालतका न्यायाधीश थिए भने हाल परिषद्मा अध्ययनका लागि काजमा थिए ।
बैठकले अर्का जिल्ला न्यायाधीश ओमकार उपाध्यायविरुद्ध परिषद्ले मुद्दा दायर गर्ने निर्णय गरेको छ । उनको शैशिक प्रमाणपत्र विवाद आएपछि तनहुँ जिल्ला अदालतबाट परिषद्मा काजमा थिए ।
अर्का जिल्ला अदालतका न्यायाधीश बाबुकाजी बानियाँलाई सफाइको मौका दिने निर्णय गरेको छ । उनि काठमाडौँ अदालतबाट परिषद्मा अध्ययनका लागि तानिएका थिए ।
