२७ वैशाख, सिन्धुपाल्चोक ।हाम्रो समाजमा यस्तो घटना सम्म घट्छन् की सुन्दा जो कोहीलाई पनि अचम्म लाग्न सक्छ ।तर सिन्धुपाल्चोक मेलम्चीमा यस्तै घटना भएको छ जहाँ आफ्नै श्रीमान्काे बिहेमा श्रीमती बनेकी छिन् दिदी भने छोरा भान्जा बनेका छन् ।
सिन्धुपाल्चोक मेलम्ची नगरपालिका ११ घर भएका ३५ वर्षीय वीरबहादुर स्याङतानले आफ्नै श्रीमतीलाई आफ्नो बिहेमा दिदी बनाएर जन्ती लागेका हुन् ।घरमा श्रीमती, दुई छोरी र एक छोरा हुँदाहुँदै रोजगारीका शिलसिलामा साउदी अरब गएको बेला स्याङतान एक महिलासँग फेसबुक मार्फत नजिकिन पुगेका थिए जसले गर्दा दुवैले बिहे गर्ने निर्णय लिएका थिए । स्याङतानले आफ्नो प्रेम सम्बन्धबारे श्रीमतीलाई बताए । र श्रीमतीले श्रीमान्काे अगाडी केही नलाग्ने देखेपछि उनले दोस्रो विवाह गर्ने अनुमितदिएकी थिइन । र वैशाख २३ गते बिहेको मिति तय भएको थियो । विवाहका लागी स्याङतान श्रीमती, नाबालक छोरा, भान्जी र दिदिलाई साथै लिएर जन्तीको रूपमा रौतहट आएका थिए । उनले श्रीमतीलाई दिदी र नाबालक छोरालाई भान्जाको साईनो दिएका थिए । तर भान्जा बनाइएको छोराले बुवा भनेर बोलाए पछि स्थानियलाई शङ्का लागेर बेहुलासंग केरकार गर्दा रहस्य खुलेको थियो ।
घटनापछि केटीले बिहीबार इलाका प्रहरी चन्द्रनिगाहपुरमा बहुविवाहको निवेदन दिएकी छिन् । बेहुली बन्न लागेकी महिलाले आफुलाई स्याङतानले घरमा आफ्नो श्रीमती र सन्तानहरूका बारेका कुरा लुकाएको प्रहरीलाई बताएकी छिन् । घटना लगत्तै इलाका प्रहरीले स्याङतानलाई नियन्त्रणमा लिएको छ ।
