१९ वैशाख, काठमाडौं । स्टार फरवार्ड क्रिस्टियानो रोनाल्डोले विश्वकै सबैभन्दा महँगो गाडी किनेका छन् । विश्वभर एक थान मात्र बनेको बुगाटी ला भोइचर नामक गाडी ९.५ मिलियन पाउण्डमा रोनाल्डोले खरिद गरेका हुन् ।
बुगाटीले आफ्नो कम्पनीको १ सय १० औं वार्षिकोत्सवको अवसरमा उक्त कार निर्माण गरेका थिए । उक्त कार जेनेभा मोटर सो २०१९ मा पनि प्रदर्शनीका लागि राखिएको थियो । उक्त कार २ सय ६० माइल प्रतिघण्टाको गतिमा कुद्ने क्षमता राख्दछ । यसको नेपाली मूल्य १ अर्ब ३८ करोड नेपाली रुपैयाँ पर्न आउँछ ।
रोनाल्डोले सन् २०२१ मा मात्र उक्त गाडी पाउनेछन् । कारको भित्रि भागमा अन्तिम निर्माण कार्य अझै बाँकी रहेको कम्पनीले जनाएको छ ।
प्रतिक्रिया दिनुहोस्