१८ वैशाख, काठमाडौं । म्यानचेस्टर युनाइटेडका महान खेलाडी पाउल स्कल्सले उनको पूर्व क्लब युनाइटेडविरुद्ध चेल्सीका गोन्जालो हिगुआइले गरेका प्रदर्शनको आलोचना गरेका छन् । युनाइटेडविरुद्धको हिगुइनको प्रदर्शनका बारेमा स्कल्सले भने , ‘खेल भर चेल्सीबाट १० खेलाडीले मात्र खेले जस्तो लाग्थ्यो ।’
चेल्सी आए देखि नै हिगुआइन उच्च प्रदर्शनका लागि निक्कै संघर्ष गरिरहेका छन् । अहिलेसम्म उनले १२ खेलबाट जम्मा ४ गोलमात्र गरेका छन् । युनाइटेडको डिफेन्सलाइन तोड्न असफल रहेका हिगुइन खेलमा ५ पटक अफसाइड भएका थिए ।
हिगुआइनका बारेमा स्कल्सले भने , ‘मलाई लाग्छ सेन्टर फरवार्ड उनका लागि समस्या हो । उनी युनाइटेडविरुद्धको खेलमा कमजोर रहे । टोली लगभग १० खेलाडी खेले जस्तो देखिन्थ्यो ।’ स्कल्सले अर्का फरवार्ड जिरुडलाई कम्तीमा २० मिनेट खेलाउने पर्ने तर्क गरेका छन् ।
‘ मलाई लाग्छ चेल्सीमा केहि राम्रा खेलाडी छन्,’ स्कल्सले भने, ‘तर उपाधिका लागि चुनौति दिन भने पुरा टोली छैन । मलाई लाग्छ दुई वा तीन राम्रा खेलाडीको त्यहाँ कमी छ ।’
