१५ वैशाख,काठमाडौँ l
ओखलढुंगामा आगलागी हुँदा एक घर जलेर नष्ट भएको छ । सुनकोसी गाउँपालिका -१ स्थित बलखुका स्थानीय जयहरि राईको घर जलेर नष्ट भएको हो l
घरमा कोही नभएको बेलामा बच्चाहरूले खेल्ने क्रममा आगो सल्किएको अनुमान गरिएको छ । बिहान ८:३० बजे देखि सुरु भएको आगोले घर सहित सम्पूर्ण धनमाल जलेर नष्ट भएको हो ।
आगो अपराह्न २ बजे नियन्त्रणमा आएको जिल्ला प्रहरी कार्यालय ओखलढुंगाले जनाइएको छ।आगलागीबाट घर तथा धनमाल गरी ५ लाख ७० हजार बराबरको क्षति भएको अनुमान गरिइएको छ। आगलागीपछि राई परिवारको बिचल्ली भएको छ।
प्रतिक्रिया दिनुहोस्