१३ बैशाख,काठमाण्डौ ।
नेपालका पहिलो कम्युनिष्ट प्रधानमन्त्री तथा नेकपा एमालेका पूर्व अध्यक्ष मनमोहन अधिकारीको आज २० औं स्मृति दिवस विभिन्न कार्यक्रम गरी मनाइँदैछ ।
नेता अधिकारीको हरेक वैशाख १३ गते स्मृति दिवस मनाउने गरिन्छ । अधिकारीको स्मृतिमा आज नेपाल कम्युनिष्ट पार्टी नेकपाले स्मृति एवं श्रद्धाञ्जली कार्यक्रमको आयोजना गरेको छ ।
विसं १९७८ सालमा काठमाण्डौमा जन्मेका अधिकारीको २०५६ साल वैशाख १३ गते निधन भएको थियो । लामो राजनीतिक संघर्षको क्रममा उनले १७ वर्ष जेल जीवन बिताएका थिए ।
नेपाल कम्युनिष्ट पार्टीका संस्थापक सदस्यसमेत रहेका अधिकारी २०५१ को मध्यावधि निर्वाचनपछि प्रधानमन्त्री बनेका थिए । ९ महिना सम्म नेपालको प्रधानमन्त्री भएका अधिकारी बृद्धबृद्धालाई भत्ता दिने र आफ्नो गाउँ आफैं बनाऔं लगायतका कार्यक्रमका कारण लोकप्रिय भएका थिए ।
