१० वैशाख,काठमाडौँ ।
मंगलबार सप्तरीमा भएको दुई छुट्टाछुट्टै घटनामा दुर्घटनामा परि दुई जनाले ज्यान गुमाएको छ ।पूर्व पश्चिम राजमार्गमा पिकअप भ्यानले ठक्कर दिदा एक जना पैदल यात्रीको मृत्यु भएको हाे ।
को १च ८४०० नं.को पिकअप भ्यानले पैदल यात्री शम्भुनाथ नगरपालिका वडा न.-३ बस्ने ७० वर्षीय मखनि देवी थरुनीलाई ठक्कर दिदा घाइते भएको र उपचारको लागि लैजाँदै गर्दा बाटैमा ज्यान गएको जिल्ला प्रहरी कार्यालय सप्तरीले जनाएको छ ।
चालक प्रहरीको नियन्त्रणमा रहेको तथा घटनाको आवश्यक अनुसन्धान भइरहेको प्रहरीले जनाएको छ ।
त्यस्तै सप्तरीकै हनुमाननगर कंकालिनी नगरपालिकामा एक जनाको लडेर मृत्यु भएको छ । हनुमाननगर बस्ने ६५ वर्षीय फनिक लाल सदा दिनानाथ भद्रि मन्दिरमा पूजा गर्न गएको बेला अचानक बेहोस भई मृत्यु भएको प्रहरीले जनाएको छ ।
बेहोश भएका सदालाई तत्काल स्थानीय मेडिकलमा उपचारको क्रममा मृत्यु भएको प्रहरीले जनाएको छ । घटना सम्बन्धमा आवश्यक अनुसन्धान अगाडि बढाइएकाे प्रहरीले जनाएको छ ।
