३ वैशाख, काठमाडौं । स्पेनिस ला लिगा अन्तर्गत सोमबार राति भएको खेलमा रियल म्याड्रिड लेगानेससँग १–१ को बराबरीमा रोकिएको हो । स्पेनिस महारथी रियल म्याड्रिड जारी सिजनमा खराब लयबाट गुज्रिरहेको अबस्थामा अर्काे बराबरीको नतिजा निकालेको छ ।
रियलले लेगानेसलाई खेलअवधि पुरै दवावमा राखेपनि गोल गर्न निकै संघर्ष गर्नुपरेको थियो । पहिलो हाफको अन्तिम समयमा जोनाथन क्रिस्टियन सिल्भाले गोल गरेपछि रियल खेलमा पछि परेको थियो । तर, ५१औं मिनेटमा रियलका करिम बेन्जिमाले गोल गर्दै खेललाई १–१ गोलको बराबरीमा ल्याए । त्यसपछि पनि रियालले गोल गर्न सकेन।
बराबरीसँगै रियालको ला लिगा उपाधि यात्रा निकै कमजोर बनेको छ । ला लिगामा ६ चरणको खेल बाँकी रहँदा रियाल शीर्षस्थानको बार्सिलोनाभन्दा १३ अंकले तथा दोस्रो स्थानको एट्लेटिको म्याड्रिडभन्दा ४ अंकले पछि छ । लेगानेस ४१ अंक जोडेर ११औं स्थानमा छ ।
