२ बैशाख , काठमाडाैँ – आईसीसी यू-१९ विश्वकप छनोटअन्तर्गत एसिया क्षेत्रको नेपालले आफ्नो तेस्रो खेलमा आज मलेसियासँग खेल्दैछ ।
भर्खर सम्पन्न टसमा नेपालले जितेर पहिला फिल्डिङ गर्ने निर्णय लिएको छ । सिंगापुरलाई २ सय १७ रनले पराजित गरेको नेपाल दोस्रो खेलमा यूएईसँग भने बर्षको कारण डकवर्थ लेविस मेथडका आधारमा १ रनले पराजित भएको थियो ।
यो सँगै अघिल्लो चरणको यात्रा नेपालको कठिन बनेको थियो। यूएईको बाँकी नतिजा नेपाल अनुकुल आएमा मात्र नेपालले विश्वकप खेल्न पाउनेछ । मलेसियाले सुरुवाती दुवै खेल हारेको छ । यूएईसँग ५ विकेटले पराजित भएको मलेसिया ओमानसँग ४६ रनले पराजित भएको थियो । नेपालले यू१९ मा मलेसियालाई पछिल्ला ५ खेलमा नै पराजित गरेको छ ।
प्रतिक्रिया दिनुहोस्