१२ चैत, लुम्बिनी – भैरहवा भन्सार कार्यालयको मुख्य प्रवेशद्वारमा स्वचालित प्रविधिमार्फत सवारीसाधनको जाँच गर्ने प्रणाली लागू भएको छ । नयाँ सफट्वेयरमार्फत जाँच गर्न थालिएको भन्सार कार्यालयका निमित्त प्रमुख राजेन्द्र बन्धु अर्यालले बताए ।
भन्सारमा सो प्रणाली लागू भएसँगै भैरहवा भन्सार प्रवेशद्वारबाट अब चौबीसै घण्टा मालवाहक गाडी भन्सार यार्डमा प्रवेश गर्नसक्ने छन् । यसअघि भन्सार अधिकृतले तोक लगाएर मात्रै सवारीसाधनलाई प्रवेश दिइन्थ्यो । सो प्रणाली लागू भएपछि अब कम्प्युटर प्रणालीबाट काम हुनेछ । “यसले काम छिटोछरितो गराउनेछ”, अर्यालले भने । सुनौली नाका हुँदै दैनिक ५०० को हाराहारीमा मालवाहक सवारीसाधन नेपाल भित्रिने गरेका छन् ।
प्रतिक्रिया दिनुहोस्