२९ फागुन, सप्तरी – खडक नगरपालिका–५ स्थित पूर्व–पश्चिम राजमार्गमा आज भएको दुर्घटनामा एक महिलाको मृत्यु भएको छ ।
पश्चिमबाट पूर्वतर्फ जाँदै गरेको ना१ज ६६६७ नंको विङ्गर गाडीको ढोकाबाट लडेर सुरुङ्गा नगरपालिका–११ का ३५ वर्षीया कल्पना चौधरीको मृत्यु भएको इलाका प्रहरी कार्यालय कडरबोनाका प्रहरी निरीक्षक सुरेन्द्र श्रेष्ठले जानकारी दिए । ढोकाबाट लडेर टाउकोमा गम्भीर चोट लागेकी चौधरीको उपचारका लागि न्युरो अस्पताल विराटनगर लैजाँदै गर्दा बाटोमै मृत्यु भएको हो । चालकलाई प्रहरीले नियन्त्रणमा लिएको छ ।
प्रतिक्रिया दिनुहोस्