विशाल समुन्द्रको छचल्किँदो पानीमाथि तैरिरहेको शहर सृजना गर्ने कुरा हामी सबैकालागि यथार्थ भन्दा निकै परको कुरा लाग्न सक्छ । किनकि यस्तो अक्सर फिल्म या फिक्सनमा मात्रै देख्ने गरिएको छ । तर, यो प्रसंग सन २०२० बाट यथार्थमा परिणत हुदैँछ । छिट्टै हामी सबैले समुन्द्रमा तैरिरहेको ‘अस्थायी शहर’ अर्थात् ‘फ्लोटिङ सिटी’ यथार्थ मै देख्न पाउने भएका छौं ।
सन २००८ देखि यसै विषयमा अध्ययन गरिरहेको संस्था ‘सी-स्टिडिङ इन्स्टिच्युट’ले भर्खरै ‘अस्थायी शहर’ निर्माणका लागि फ्रान्स पोलिनेसिया सरकारसँग औपचारिक सहमति गरेको छ । सहमतिअनुरुप छिट्टै उसले निर्माणको काम थाल्ने भएको छ । यसका लागि इन्जिनियर तथा आर्किटेक्टको टिमले निर्माण क्षेत्रको भ्रमण गरिसकेको छ ।
बढ्दो विश्व वाष्पीकरणका कारण समुन्द्री सतह वर्षेणी बढ्दै गइरहेको छ । जसका कारण माल्दिभ्स, नेदरल्यान्ड्स, लगायतका मुलुकहरू पुर्णतः समुन्द्रमा डुब्ने दिन नजिकिदैँ गइरहेको पाउन सकिन्छ । यो बिकराल समस्याको समाधानको रुपमा ‘अस्थायी शहर’को अवधारणा अगाडि आउन सक्ने देखिन्छ ।
त्यति मात्रै नभएर भविष्यका दिनमा पृथ्वीको सबै भु-भाग ओगटिए पछिको स्थितिमा समेत यो उपयोगी हुने देखिन्छ । बसोबासका लागि चन्द्रमा या मंगल ग्रहतिर भड्किरहेको मनुष्य जातिकालागि यो निकै खुसीको कुरा बन्न पुगेको छ ।
निर्माण संस्था सी-स्टिडिङका प्रमुख क्विर्कका अनुसार यो प्रोजेक्टका लागि करिब ११६ मिलियन अमेरिकी डलर पैसा लाग्ने भएको छ । जसका लागि सुरुवाती लगानीको रुपमा पेपालका फाउन्डर पिटरले सहयोग रकम बुझाइ सकेका छन् ।
हेर्नुहोस् प्रस्ताबित ‘अस्थायी शहर’का केही डिजाइन तस्बिर ः
बिस्तृत जानकारीका लागि भिडियो ः
#SalleriEngineering #InterestingEngineering #FloatingCity
०००
०००
