उपत्यकासहित देशमा धेरै ठाउँमा रातिदेखि नै पानी परिरहेको छ ।पश्चिमी वायुको प्रभावले पूर्वका थारै र मध्य तथा पश्चिममा धेरै ठाउँमा पानी परेको जल तथा मौसम पूर्वानुमान महाशाखाले जनाएको छ । महाशाखाका मौसमविद् समिर श्रेष्ठका अनुसार यो प्रणाली अहिले पूर्वतिर सरिरहेकाले आज काठमाण्डौसहित पूर्वका धेरै ठाउँमा दिनभरी नै पानी पर्नेछ ।
पश्चिममा पनि मौसम खुल्ने संभावना छैन । आज रातिदेखि यो प्रणाली कमजोर भएपछि भोलि देशभरी कै मौसम सुधार हुनेछ । आज पानी पर्ने भएकाले देशभरीकै अधिकतम तापक्रम घटेर चिसो हुने मौसमविद् समिर श्रेष्ठको भनाई छ । पानीसँगै उच्च पहाडी र हिमाली क्षेत्रमा हिउँपनि परेकाले पानी पर्न रोकिएपछि देशभर चिसो बढ्नेछ।
प्रतिक्रिया दिनुहोस्