८ मङ्सिर, काठमाडौँ – राष्ट्रिय जनता पार्टी (राजपा) ले गए राति सप्तरीको इनरुवामा भएको बस दुर्घटनामा परी मृत्यु भएका शोकाकुल परिवारजनप्रति हार्दिक समवेदना प्रकट गरेको छ ।
राजपाले आज शोक वक्तव्य जारी गर्दै दिवंगत आत्माको चिर शान्ति तथा घाइतेको शिघ्र स्वास्थ्य लाभको कामना गरेको छ । साथै मृतक परिवारलाई राहत तथा क्षतिपूर्ति र घाइते भएका व्यक्तिको निःशुल्क उपचारका लागि सरकारसँग राजपाले जोडदार माग गरेको छ ।
बराहक्षेत्रबाट स्नानगरी फर्किने क्रममा गए राति सप्तरीको इनरुवामा बस अनियन्त्रित भई दुर्घटना हुँदा दर्जनौ घाइते र पाँच जनाको ज्यान जाने गरी भएको घटनाले पार्टी अत्यन्त मर्माहित भएको विज्ञप्तिमा उल्लेख छ ।
प्रतिक्रिया दिनुहोस्