८ कात्तिक, सिन्धुली – स्व मोहनविक्रम थापा स्मृति दोस्रो फुटबल प्रतियोगिता यहाँ आजदेखि शुरु भएको छ ।
भिमान युवा क्लब, कमलामाई–९ को आयोजनामा भएको प्रतियोगिताको सिन्धुली ट्रष्टका संयोजक उज्वलविक्रम थापाले खेलको उद्घाटन गर्दै आफ्ना पिता मोहनविक्रमको सम्झनामा गत वर्षदेखि फुटबल प्रतियोगिता सञ्चालन गरिएको र अबको पाँच वर्षमा सिन्धुली गोल्डकप प्रतियोगिता राखिने लक्ष्य रहेको बताए ।
यही कात्तिक १७ गतेसम्म चल्ने खेलमा १४ समूहले सहभागिता जनाएका छन् । प्रतियोगितामा पहिलो हुनेलाई रु एक लाख ५० हजार तथा दोस्रालाई रु ५० हजार, शिल्ड, पदक र प्रमाणपत्र प्रदान गरिने क्लबका सचिव दिनेश न्यौपानेले जानकारी दिनुभयो । प्रतियोगितामा सिन्धुली, रामेछाप, महोत्तरी र धनुषाबाट सहभागी समूहले खेल्नेछन् ।
प्रतिक्रिया दिनुहोस्