२१ असोज, नेपालगञ्ज, बाँके- बाँकेको राप्तीसोनारी गाउँपालिका स्थित शम्शेरगञ्जमा यात्रुबाहक हायस (माइक्रोबस) र ट्रक शनिबार बिहान एकापसमा ठोक्किँदा छ जनाको मृत्यु भएको छ ।
दाङको तुलसीपुरबाट अमिलिया हुँदै नेपालगञ्ज जादै गरेको रा १ ख १६६२ नम्बरको हायस र नेपालगञ्जबाट दाङतर्फ जाँदै गरेको लु१ख ७७२९ नम्बरको ट्रक हिजो बिहान करीब ९ः१५ बजेतिर राप्ती सोनारी गाउँपालिका–९ मुगुवा खोला नजिक एक आपसमा ठोक्किएका थिए ।
दुर्घटनामा चारको घटनास्थलमै र दुईको शिक्षण अस्पताल कोहलपुरमा उपचारको क्रममा मृत्यु भएको इलाका प्रहरी कार्यालय कोहलपुरका इन्चार्ज प्रहरी नायब उपरीक्षक रमेश बहादुर सिंहले जानकारी दिए । दुर्घटनामा घाइते १७ को शिक्षण अस्पताल कोहलपुरमा उपचार भइरहेको इलाका प्रहरी कार्यालय कोहलपुरले जनाएको छ ।
प्रतिक्रिया दिनुहोस्