दुर्गा खड्का- सल्लेरी खबर ।
रोल्पाको सुलीचौरमा गोली प्रहार बाट रोल्पा नगरपालिका तरुण दलका नगर अध्यक्ष रोहित पुनको मृत्यु भएको छ ।
सुनिल स्मृति गाउँपालिका—४ मा उक्त घटान घटेको प्रहरीले जनाएको छ ।
गोली प्रहार गर्नुको कारणका बारेमा अनुसन्धान भइरहेको रोल्पा प्रहरी प्रमुख डिएसपी दिपक खड्काले जानकारी दिए । पुनको छातीमा दुई र कोखामा एक राउण्ड गोली लागेको प्रहरीले जनाएको छ ।
गोली चलाउने घर्तीमगर पूर्व माओवादी कार्यकर्ता रहेको प्रहरीले जनाएको छ ।
प्रहरीका अनुसार रोल्पा नगरपालिका–१० घर भएका देव बहादुर घर्तीमगरले अटो लोडेड पेस्तोलबाट पुनमाथि गोली चलाएका हुन् ।
पुनमाथि गोली प्रहार गरेको भन्दै घर्तीलाई नियन्त्रणमा लिएको प्रहरीले जनाएको छ । थप अनुशान्धन गरिरहेको प्रहरीले जनाएको छ । पुनको शव अहिले प्राथमिक स्वास्थ्य केन्द्र सुलिचौरमा राखिएको छ ।
