कास्कीको बेगनास तालमा ९ जना सवार डुंगा दुर्घटना भएको छ ।
आज दिउँसो १ बजेतिर घुम्न आएकाहरु सवार सो डुंगा दुर्घटनामा परेको थियो
डुंगा मा सबार ९ जना मध्ये ५ जना वेपत्ता भएका छन् भने अरु ४ जनाको भने जिवितै उद्दार गरिएको जिल्ला प्रहरी कार्यालय कास्कीले जनाएको छ ।
प्रहरीका अनुसार स्थानीय गणेश कँडेलको घरमा दर खान आएका पाहुनाहरु बेगनास तालमा घुम्नका लागि पुगेका थिए ।
डुंगामा सवार रहेकै क्रममा बालक तालमा खसेपछि बचाउन प्रयास गर्दा डुंगा कोल्टिएर डुब्न पुगेको प्रहरीले जनाएको छ ।
ढुंगामा सवारहरुमा रवि खनाल, शिव खनाल, सपना खनाल, कृष्ण कुमारी बजगाई , शंकर खनाल, कमल नाथ कँडेल नीता पौडेल, सपना पौडेल र अर्का एक बालक (परिचय खुल्न नसकेको) रहेको प्रहरीले जनाएको छ ।
उद्दार गरिएकाहरुको लेखनाथ सामूदायिक अस्तालमा उपचारका लागि पठाइएको ४ नम्बर प्रदेश प्रहरी कार्यालयका प्रवक्ता एसपी नवराज भट्टले जानकारी दिए ।
