सुन पसलमा लुटपाट गर्ने एकजनालाई प्रहरीले पेस्तोलसहित पक्राउ गरेको छ ।
पक्राउ पर्नेमा भोजपुर जिल्ला दिङ्ला–२ घर भई हाल धरान उपमहानगरपालिका–१५ मा कोठा भाडा लिई बस्ने ३२ वर्षीय रोशन भन्ने गोपाल दहाल (विक) लाई शुक्रबार पक्राउ गरिरेको जिल्ला प्रहरी कार्यालयले जनाएको छ ।
रोशन भन्ने गोपाल दहाल (विक)ले सुन्दर हरैचा नगरपालिका–१० विराटचोकमा रहेको थापा सुनचाँदी पसलबाट ९.७७ ग्रामको सुनको ब्रासलेट लुटी भाग्न लाग्दा बेलबारी इलाका प्रहरी कार्यालयबाट खटिएको प्रहरी निरीक्षक रामकुमार राईको नेतृत्वको टोलीले स्वचालित पेस्तोल, दुई राउण्ड गोली, सुनको ब्रासलेटसहित पक्राउ गरेको हो । घटना बारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्