श्रीलङ्कामा एक हप्ताको विशेष प्रशिक्षण र तीन अभ्यास खेल खेलेपछि नेपाली राष्ट्रिय क्रिकेट टोली आज मलेसियातर्फ प्रस्थान गरेको छ ।
नेपालले श्रीलङ्कामा श्रीलंका आर्मी, कोल्ट्स र ब्लुमफिल्ड क्लबलाई पराजित गरेको थियो । नेपाल उच्च मनोवलका साथ मलेसिया जान लागेको नेपाली क्रिकेट टोलीका व्यवस्थापक रमन सिवाकोटीले बता ।
एशिया कप छनोट खेल आजदेखि मलेसियामा शुरु हुँदैछ ।एशिया कपको छनोट खेल नेपालसहित आयोजक मलेसिया, ओमान , युनाइटेड अरब इमिरेटस् (युएइ), सिंगापुर र हङकङले खेल्ने छन् । नेपालले छनोट खेल ओमानसँग भदौ १३, युएइसँग भदौ १४, मलेसियासँग भदौ १६, सिंगापुरसँग भदौ १७ तथा हङकङसँग भदौ १९ गते खेल्नेछ । उक्त प्रतियोगिताको शीर्ष दुई टोलीले फाइनलमा खेल्नुका साथै विजेता टोलीले एशिया कपमा सहभागिता जनाउने छ । सो प्रतियोगिता भदौ २८ देखि असोज १२ गतेसम्म युएइमा हुनेछ ।
