एजेन्सी । इंग्लिस प्रिमियर लिग अन्तर्गत गएराति राति भएको खेलमा साउथह्याम्पटनले जित हात पारेको छ । साउथह्यामटनले घरेलु मैदानमा ब्रेन्टफोर्डलाई ४-१ को गोल अन्तरले हराएको हो ।
पाँचौ मिनेटमा जान बेडनारेकले गोल गर्दै साउथह्याम्पटनलाई सुरुवाती अग्रता दिलाए । २३औं मिनेटमा भिटाली जानेटले गोल गर्दै ब्रेन्टफोर्डलाई १-१ को बराबरीमा फर्काए।
३७औं मिनेटमा अल्भारो फर्नान्डेजले आत्मघाती गोल गरेपछि साउथह्याम्पटन २-१ ले अघि बढ्यो। ४९औं मिनेटमा अर्मान्डो बोर्जाले गोल गर्दै टोलीलाई ३-१ को अग्रता दिलाए । ७०औं मिनेटमा एडमले गोल गरेपछि साउथह्यामटनले जित पक्का गर्यो ।
जितसँगै २० खेलमा २४ अंक जोडेर साउथह्याम्पटन ११औं स्थानमा रहँदा ब्रेन्टफोर्ड २३ अंकका साथ १३औं स्थानमा रहेको छ ।
प्रतिक्रिया दिनुहोस्