२३ पुस, काठमाडौं । सहिद स्मारक ‘ए’ डिभिजन लिग अन्तर्गत आजदेखि आठौं चरणका खेल सुरु हुँदैछ । अपराजित रहेको संकटा क्लबले आज दशरथ रंगशालामा सातदोबाटो युथ क्लबसंग प्रतिस्पर्धा गर्दैछ ।
संकटा नवप्रवेशी क्लबविरुद्ध विजयी नतिजा निकाल्दै उपाधि होडमा रहेका शीर्ष स्थानका टोलिलाई दबाबमा राख्ने रणनीतिका साथ मैदान उत्रदैछ भने पछिल्लो समय खराब लयमा रहेको सातदोबाटो पुनरागमनको लक्ष्यमा हुनेछ ।
त्यस्तै, आजै हुने दोस्रो खेलमा सशस्त्र प्रहरी बल (एपीएफ)ले जावलाखेल युथ क्लबसँग भिड्दै छ ।अंकतालिकामा जावलाखेल ७ अंक जोडेर नवौं स्थानमा छ भने एपीएफ ६ अंक जोडेर १० औं स्थानमा छ। खेल साँझ पौने ५ बजे दशरथ रंगशालामा सुरु हुनेछ।
प्रतिक्रिया दिनुहोस्