१६ पुस, काठमाडौं । सहिद स्मारक ‘ए’ डिभिजन लिग अन्तर्गत आजदेखि सातौं चरणका खेलहरु सुरु हुँदैछ । दशरथ रंगशालमा दुई विभागीय टोली सशत्र प्रहरीको एपीएफ क्लब र त्रिभुवन आर्मी क्लबबीच दिउँसो १ बजे खेल हुदैँछ । त्यस्तै, फ्रेन्ड्स क्लब र न्युरोड टिम (एनआरटी)बीचको खेल दिउँसो पौने ५ बजे सुरु हुनेछ ।
आर्मीलाई हराउँदै एपीएफ अंक तालिका सुधार गर्न चाहन्छ भने आर्मी पनि एपीएफलाई हराएर शीर्ष तीन भित्र उक्लने दाउमा रहनेछ ।
त्यस्तै, पुछारमा रहेको फ्रेन्ड्स एनआरटीलाई हराएर पहिलो जित निकाल्न चाहन्छ भने एनआरटी पनि फ्रेन्ड्सलाई हराएर अंक तालिका सुधार गर्ने रणनीतिका साथ मैदान उत्रदैछ ।
प्रतिक्रिया दिनुहोस्